Pánnon
Pánnon
Pánnon ang tawag sa wika ng mga Agtâ Ilabin na naninirahan sa gitnang bahagi ng Cagayan, partikular sa mga bayan ng Amulung, Buguey, Gattaran, Gonzaga, Lallo, Peñablanca, Santa Ana, at Santa Teresita. Bagaman sa bayan ng Gattaran matatagpuan ang pinakamalaking bílang ng mga Agtâ Ilabin, sinasalita rin ito sa bayan ng Dingalan sa Isabela.
May siyam na diyalekto ang wikang Pánnon: Ali, Egaton, Elodan,Kuga, Magtenap, Napnon, Pánnon, Pebat, at Se-esi. Sinasalita ang lahat ng diyalekto sa mga bayang nabanggit bagaman may mga diyalektong mas gamitín kaysa iba. Halimbawa, pinakagamitin ang Pánnon Napnon, at Se-esi: batà man o matanda ay nakaiintindi at nakapagsasalita ng mga diyalektong ito. Ang Elodan at Egaton naman ay mga diyalektong halos nakatatandang henerasyon na lámang ang gumagamit.
Bukod sa mga varayti ng wikang Pánnon, nakapagsasalita rin ng wika ng mga karatig-grupo na Ibanág, Itáwit, Ilokáno, at Bíkol ang mga Agtâ Ilabin.
| Pangalan ng Wika | Pánnon |
| Iba pang Tawag sa Wika (alternate names) | Agtâ Ilabin, Agtâ Central Cagayan |
| Pangkat na Gumagamit ng Wika | Agtâ Ilabín |
| Sigla ng Wika | Matinding nanganganib (Salik 3) |
| Klasipikasyon | Northern Luzon, Northern Cordilleran, Cagayan Valley, Ibanagic, Gaddangic |
| Mga Kilalang Wikain (dialects) | Pannon, Napnon, Se-esi, Kuga, Magtenap, Ali, Elodan, at Egaton |
| Populasyon | 460 (PSA 2020 Census of Population and Housing) |
| Bilang ng Sambahayn na Gumagamit ng Wika | 105 (PSA 2020 Census of Population and Housing) |
| Lokasyon |
Gattaran, Sta. Teresita, Gonzaga, Lal-lo, Buguey, Sta. Ana, Amulung, at Peñablanca sa Cagayan Dinapigue, Isabela |
| Sistema ng Pagsulat | |
| Iba pang Talâ |
Responses