Manóbo Áta ang tawag sa wika ng mga katutubong Manóbo sa Mindanao, partikular ang mga naninirahan sa mga bayan ng Talaingod sa lalawigan ng Davao del Norte. Tinatawag din sa parehong pangalan ang grupo—Manóbo Áta—bagaman kilalá rin silá ng mga tagalabas sa mga pangalang Áta ng Davao, Áta Manóbo, at Langílan.

          Napalilibutan ng mga grupong Sebwáno at Mandayá ang lugar ng mga Manóbo Áta kayâ bukod sa kanilang katutubong wika, marunong din silá ng mga wikang Sebwáno, Mandayá, at barayti ng Binisayâng Mindanáw.