Magahát ang tawag sa wika ng mga katutubong Magahát Bukidnón na kilalá rin sa tawag na Bukî. Sinasalita ito sa lalawigan ng Negros Oriental, partikular sa mga barangay ng Bongolanon, Cabatuanan, Linantayan, Maglinao, Bal-os, Cabalayongan, Nagbo-alao, Actin, Olando, at Poblacion,sa bayan ng Basay. Sinasalita rin ang naturang wika sa bayan ng Hinoba-an, Negros Occidental. 

          Bukod sa mga Bukî ay mayroon ding grupong Sebwáno sa lalawigan kayâ bukod sa Magahát, natututo rin ang mga katutubo ng wikang Sebwáno. Natututuhan din nilá ang Filipíno at Inglés na ginagamit na mga wikang panturo sa paaralan.