Filipino Sign Language o FSL ang tawag ng mga Binging Filipino sa kanilang wika. May ebidensiya ng pagsesenyas sa Dulag, Leyte noong 1590 na posibleng direktang dinalá mula sa España. Ang FSL ay kasapi sa pamilya ng mga wikang biswal ng American Sign Language, na siya namang nagmula sa French Sign Language. Bílang wikang senyas, naiiba at wala itong direktang kaugnay na sa wikang Filipino na isang wikang pasalita.